Јавна расправа на тема „Значењето и улогата на дијаспората за Република Македонија – политички и економски аспекти“ ќе одржи денеска собраниската Комисија за надворешна политика.
Воведно обраќање ќе има пратеникот Антонио Милошоски, претседател на Комисија за надворешна политика.
За економските апсекти на значењето и улогата на дијаспората за Република Македонија ќе говорат: Димитар Богов, гувернер на Народна банка на РМ, Веле Самак, министер без ресор, Шефки Идризи, повратник од дијаспората, сопственик на „Ренова“, Мазлум Хасан, бизнисмен, повратник од САД, сопственик на „Lakeview Hotel and Resort“- Отешево.
За политичките аспекти, пак, говорници се: Павле Саздов, пратеник во Собранието на РМ од дијаспора, Васил Наумов, директор на Агенцијата за иселеништво и Златко Николоски, автор на книгата „Македонска дијаспора“.
