Во киното „Карлингтон“ во Торонто синоќа во рамки на Македонскиот филмски фестивал во Канада беше прикажан долгометражниот документарен филм „Сведоци (Канада)“, снимен во продукција на Кинотека на Македонија, по сценарио и во режија на Атанас Чупоски.
Компилацискиот анкетно-биографски документарен филм на историска тема е втор дел од документарната трилогија „Сведоци“ и ја раскажува приказната за протерувањето на Македонците од Егејска Македонија, видена низ очите на македонската емиграција во Канада.
Филмот е реализиран од интервјуа снимени во Канада во 2011 година.