Програмата за развој на ОН денеска организира конференција „Светот што го сакам во 2030“ по повод Денот на ОН – 24 Октомври.
На конференција, што ќе се одржи во Битола, ќе учествува министерот за образование и наука Абдилаќим Адеми.
Обединетите нации го одбележуваат својот ден, 24 Октомври, во знак на сеќавање на усвојување на Повелбата на светската организација, која стапи во сила на денешен ден во 1945 година.
Повелбата беше ратификувана од поголемиот број тогашни земји-членки на ОН, меѓу кои и петте постојани членки на Советот за безбедност. ОН официјално постојат 69 години.
Денот на ОН се слави од 1948 година, а Генералното собрание на ОН во 1971 година им препорача на земјите-членки да го одбележуваат 24 октомври како празник на своите територии.