Претседателите на Турција и на САД, Реџеп Таип Ердоган и Барак Обама денеска телефонски разговараа за ситуацијата во Сирија, пред се за Кобане.
Разговорот бил по завршувањето на посетата на Ердоган на Авганистан.
Ердоган и Обама се договорија да ја продолжат соработката во борбата против Исламска држава, како и за поддршката на Турција за 1,5 милиони Сиријци, од кои 180.000 Курди, кои го напуштија Кобане, се наведува во соопштението од кабинетот на турскиот претседател.
Двајцата претседатели ја потенцирале и важноста од соработката на двете држави за обезбедување на мир и стабилност во Авганистан.
Претходно Ердоган изјави дека Турција нема да се согласи со какви било американски достави на оружје за курдските бунтовници, кои се борат против исламистите од групацијата „Исламска држава“ во Сирија.