Без драстични промени во надворешната политика на Москва, санкциите кон Русија, кои ги воведе Европската унија поради Украина во сила ќе останат барем до март следната година, изјавија за Танјуг дипломатски извори во Брисел.
Неколку високи западни дипломати во ЕУ во одвоени разговори за Танјуг ги отфрлија извештаите на некои медиуми дека Унијата е подготвена уште кон крајот на октомври да ги укине санкциите кон Русија, со цел да не го загрози снабдувањето со гас во текот на претстојната зима.
– За да бидат укинати санкции или барем ублажени за тоа би морале да гласаат сите 29 членки на Унијата, а во моментов таков консензус не постои, изјави преставник на една важна европска земја, кој побарал анонимност.
Тој потсети дека одредени балтички земји не само што се против укинување на санкциите, туку се залагат и за нивно проширување, поради наводните провокации на Русија во близина на нивните граници.