Општина Карпош се придружи кон почиста и зелена околина. Околу 200 општински административци, денеска, излегоа на терен со цел да се сочува околината чиста и за истата да се грижи секој граѓанин на општина Карпош. Оваа еколошка акција се спроведува двапати годишно, есенско и пролетно чистење на површината ширум Општината, која е во иницијатива на одделението за животна средина при општина Карпош.
Проектот „Македонија без отпад“, кој е дел од националната кампања, а е во организација на Министерството за животна средина и просторно планирање, поддршка дадоа и Министерстовто за локална самоуправа, Министерството за земјоделство, шумарство и водостопанство, Министерството за здравство, Дирекција за заштита и спасување, Генерал штаб на Армијата на Македонија како и повеќе владини и невладини институции. Општина Карпош ја поздравува оваа акција и активно е вклучена во подигање на свеста кај граѓаните во главниот град но и на целат територија на Република Македонија.
– Еколошката акција ја спроведуваме со цел да ја исчистиме околината и во исто време да им покажеме на сите граѓани дека секој од нас треба да се грижи за хигиената во Општината. Во изминатиот временски период вложивме многу труд и многу средства за одржување хигиена во Општината. Откако започнавме со првото чистење, исфрливме 540 камиони со шут, смет и друг отпад, што значи дека трудот што го вложивме и ние и граѓаните како и службите со кои располагаме, даваат одличен резултат. Општина Карпош е Општина која што има изречено најмногу мандатни казни на физички и правни лица од страна на комуналните инспектори, на несовесни граѓани и фирми кои ја загрозуваат животната околина, – истакна градоначалникот на општина Карпош, Стевчо Јакимовски.
Целта на проектот е преку вакви акции, да се исчисти отпадот кој се наоѓа на несоодветни места во околината, да се подигне свеста на граѓаните, Општини и други засеганти групи. На тој начин ќе дојде до подобро и полесно справување со неорганизираното и незаконско фрлање отпад во нивните заедници.