Регионалното еколошко друштво „Еко живот” од Кавадарци денеска се приклучи кон акцијата на Министерството за животна средина и просторно планирање насловена „Македонија без отпад”, реализирајќи еколошки акции во општините од Тиквешијата.
– Организиравме еколошки натпревар во собирање на отпад од страна на учениците од повеќе училишта во Тиквешко. За секоја општина ќе прогласиме по едно училиште победник чии ученици собрале најмногу отпад од природата. На крај ќе одбереме и нај еко училиште од регионот кое ќе може да се пофали со најголеми количини на собран отпад од околината. За најдoбрите следуваат и награди, рече претседателот на друштвото Роберто Паризов.
Тој нагласи дека и понатаму со вакви и слични акции ќе настојуваат да ја подигнат еколошката свест кај населението во регионот.