Рускиот претседател, Владимир Путин се согласи да го употреби своето влијание врз проруските бунтовници во Украина, за да помогнат во истрагата околу падот на малезискиот авион, истакна австралиската министерка за надворешни работи, Џули Бишоп.
Министерката Бишоп за радио „ABC“ изјави дека кратко се сретнала со Путин за време на Азиско-европскиот самит, кој во петок се одржа во Милано.
-Го замолив да го искористи своето влијание врз сепаратистите во источна Украина и да овозможи пристап на истражителите, до местото на несреќата-изјави таа.
Е. Г.