Дел од централното градско подрачје денеска од 09:30 часот ќе остане без вода поради дефект на водоводна цевка меѓу улиците „Рајко Жинзифов“ и „Киро Крстевски Платник“.
Регионалниот центар за управување со кризи на Град Скопје, повикувајќи се на известување од Водовод и канализација, информира дека до отстранување на дефектот без вода ќе останат овие две улици како и дел од корисниците на булеварот „Метрополит Теодосиј Гологанов“, меѓу улиците Аминта Трети и Костурски Херои.