Прилепчани денеска во голем број ја пречекаа заменик претседателката на СДСМ, Радмила Шекеринска на граѓанскиот собир по повод 11-ти Октомври – Денот на народното востание.
Шекеринска заедно со прилепчани го одбележа овој голем државен празник и оваа година во манастирот Св. Димитрија на граѓанскиот собир што традиционално го организира општинската организација на СДСМ од Прилеп.
Прилеп повторно ќе биде градот херој, градот предвесник на слободата, сега сме и повеќе од потребни на својата земја, порачаа граѓаните на собирот.
Шекеринска им се заблагодари на граѓаните за топлото добредојде на веќе традиционалниот граѓански собир и нагласи дека Македонија повторно ќе биде слободна и демократска држава.
Заедно со Шекеринска на граѓанскиот собир во Прилеп присуствуваа и пратениците Хари Локвенец, Горан Сугарески, Петре Шилегов и Бетиан Китев.