На денешното објавување на извештаите за напредокот на земјите кандидати за ЕУ, комесарот за проширување Штефан Филе рече дека процесот на асоцијација на Македонија годинава е во застој односно во ќорсокак.
– Потребна е акција за да се преиначи сегашното назадување, особено во однос на слободата на изразување, медиумите и независноста на судството. Итно се потребни преговори и заедничко прифатливо решение за прашањето за името. Владата и опозицијата треба да преземат чекори за да го вратат политичкиот дијалог во собранието, рече Филе.