Стотици студенти од универзитетот Харвард во Кембриџ вчера добиле вознемирувачки пораки, во кои непознато лице им се заканува дека ќе дојде и ќе ги убие.
Како што пренесуваат медиумите студентите се шокирани, а полицијата се уште нема информации дали заканите се вистинити, но секако дека ќе го зголеми обезбедувањето околу универзитетскиот кампус.
Жителите на Бостон и околните места се претпазливи откако во 2013 година се случи бомбашки напад на учесници на маратон, при што настрадаа три лица, а 260 беа повредени.
Студентите беа евакуирани и во декември минатата година, откако вработените добиле дојава дека во просториите се наоѓа бомба. Полицијата утврди дека со бомба се заканувал студент, кој се обидувал да го избегне завршниот испит.
Е. Г.