Граѓаните ќе имаат можност да се ослободат од старите и неупотребливи домашни апарати, бела техника, како и електронски уреди: стари мобилни, телевизори, компјутери, принтери, касетофони, цд плеери,… во рамки на акцијата за собирање на електричен и електронски отпад (ЕЕ-отпад) што од 26 септември до 3 октомври ја организира ДОМ.
Ова е дел од акцијата „Македонија без отпад“ и ќе се одвива во 22 општини во Македонија: Аеродром, Кисела Вода, Центар, Гази Баба, Чаир, Карпош, Ѓорче Петров, Бутел, Штип, Кочани, Делчево, Берово, Крива Паланка, Пробиштип, Прилеп, Могила, Битола, Тетово, Гостивар, Куманово и Ранковце.
За потребите на акцијата, ДОМ информира дека се обезбедени контејнери во соработка со овластениот постапувач за ЕЕ-отпад „Нула отпад“, кои ќе бидат поставени на видно место во секоја општина.
За конкретното место и време на одржување на акцијата заинтересираните граѓани може да се информираат во централата на ДОМ на телефон 078 404 165 и 076 311 601.