Претседателот на Собранието Трајко Вељаноски денеска на припадниците од бошњачката заедница им го честита Меѓународниот ден на Бошњаците.
Во честитката Вељаноски им посакува празнично расположение, исполнето со многу здравје, успех и просперитет.
– Припадниците на бошњачката заедница се значаен дел од Република Македонија, и со одбележувањето на овој ден се афирмира идентитетот и културата на оваа заедница која е дел од нашето мултиетничко општество. Убеден сум дека заедничка ни е определбата да работиме на почитување на различните етнички и религиски специфики, и да продолжиме да ги негуваме и надградуваме со цел подобрување на севкупната положба и квалитет на живеење на сите граѓани во Република Македонија, се наведува во честитката.
Вељаноски истакнува дека Република Македонија се стреми кон демократска, економски развиена и модерна држава во која сите граѓани ќе создаваат дела и вредности од траен карактер, а со тоа подобра иднина на сите генерации кои ќе следат.