Американскиот државен секретар Џон Кери и рускиот министер за надворешни работи Сергеј Лавров изјавија дека треба да се исполнат сите 12 точки од спогодбата за Украина, склучена во Минск.
– За време на 40-минутната средба, државниот секретар Кери и министерот Лавров разговараа за Украина и за значењето за целосно имплементирање на сите аспекти од 12-те точки на спогодбата за прекин на огнот склучена во Минск, изјави претставник на Стејт департментот.
Двајцата шефови на дипломатии разговарале и за борбата против групацијата Исламска држава, како и за преговорите за иранската нуклеарна програма.