„Случајот со вработувањето на сопругата на министерот за странски инвестиции Веле Самак во германската фирма во Велес е скандал.
Фирмата во којашто е вработена сопругата на Веле Самак е примател на државна помош во XXX евра од Владата, за создавање нови работни места.
Ова ХХХ евра буквално вака е наведено еве во овој документ што се однесува на германската фирма.
Сега, откако министерот за странски инвестиции Самак, си ја згрижил на висока позиција во странската фирма во Велес неговата сопруга, Самак и Груевски треба да им објаснат на граѓаните:
Какви и колкави привилегии им дава Владата на компаниите во земјава, што вработуваат сопруги и членови на семејствата на министрите.
Колку плаќаат граѓаните на Македонија за платата на сопругата на Веле Самак? Бараме Антикорупциската комисија итно да реагира за овој скандалозен случај“, изјави на денешната прес конференција, портпаролот на СДСМ, Петре Шилегов.