Во текот на вчерашниот ден на подрачјето на Град Скопје од страна на сообраќајната полиција извршен е увид на вкупно 14 сообраќајни незгоди.
Од нив, седум се со последица материјална штета и шест со последица телесна повреда во кои со полесни повреди се здобиле четири возачи на патничко моторно возило, еден пешак и еден велосипедист.
Се случила и една незгода со тешки телесни повреди во 6 часот и 5 минути на ул. „Јустинијан Први“ во која учествувал автобус „санос“ со скопски регистарски таблички, управуван од граѓанин на Скопје, сопственост на ЈП „Скопје“ при што возачот изгубил контрола врз управувањето со автобусот кој се занел десно и преку тротоарот излетал во паркот, удрил во две растителни дрвја по што се превртел на левата страна. Во незгодата со тешки телесни повредни се здобил еден патник во автобусот, а со телесни повреди се здобиле возачот и 40 патници во автобусот.
Според евиденцијата на сообраќајната полиција, се случиле уште четири незгоди со мала материјална штета во коишто е пополнет Европскиот извештај за случена сообраќајна незгода.
Во текот на вчерашниот ден од страна на сообраќајната полиција откриени и санкционирани се 18 возачи коишто не го почитувале ограничувањето на брзината на движење, од нив 10 возачи се движеле со брзина поголема од 90 километри на час во населено место, тројца возачи кои ги управувале своите возила под дејство на алкохол и истите се исклучени од сообраќај, тројца возачи не ги почитувале светлосно сообраќајните знаци на крстосниците, осум возачи кои ги управувале своите возила по истекот на важноста на сообраќајната дозвола или без возачка дозвола и девет возачи кои не го користеле безбедносниот појас или го користеле мобилниот телефон за време на управување на возилото.
Со помош на специјалното возило „пајак“ беа отстранети 41 возило кои го попречувале нормалното одвивање на сообраќајот.
Отсекот за превенција при Единицата за безбедност во патниот сообраќај при СВР Скопје денеска ќе реализира едукативни работилници во основното училиштаже „Браќа Миладиновци“ на подрачјето на општина Аеродром.
Денеска во времето од 9 до 13 часот на крстосниците од ул. „Пролет“ со ул. „11 Октомври“, бул. „Кочо Рацин“ со ул. „11 Октомври“, бул. „Крсте Мисирков“ со бул. „Кузман Јосифоски Питу“ и крстосницата од бул. „Гоце Делчев“ со ул. „Беласица“ ќе биде реализирана обука за физичка регулација на сообраќајот на кандидатите за полициски службеници. Обуката ќе биде реализирана од страна на Единицата за безбедност на патниот сообраќај и Центарот за обука при МВР. Апел до возачите да бидат претпазливи, толерантни и да ги почитуваат знаците што ќе ги даваат полициските службеници.