Денешното отворање на можноста за предвремено изборно одмерување на силите во ноември, некого израдува, некого загрижи.
Партиските штабови на свој начин ја примија веста дека ВМРО-ДПМНЕ се заканува, или ќе се вратите во Собрание, или на гласање со истите правила можеме да си избереме нова опозиција.
Мета на коментарите на социјалните мрежи се и Роза Топузова, Солза Грчева и Љубица Буралиева, трите пратенички кои не го испочитуваа опозицискиот став и седнаа во пратеничките клупи.
Што ќе се случи со нив доколку има избори? Опозицијата ги отпиша, власта тешко ќе ги запише.
Како и да е, доколку има избори, трите пратенички ќе имаат можност да проверат дали гласачите го одобруваат нивното враќање во парламентот.