Тринаесет илјади пензионери од општина Центар денеска го прославија големиот јубилеј – 60 години на пензинското организирање во општина Центар.
За историјатот, заложбите и идните планови на свеченоста говореа претседателот на Собранието на здружението на пензионери на општина Центар, Крсте Ангеловски и претседателот на ИО на здружението – Павле Спасев.
Градоначалникот на општина Центар, Андреј Жерновски, кој воедно е и покровител на одбележувањето на јубилејот, рече дека сериозна работа е да се слави 60 годишен јубилеј, а уште поголема чест ја има општината Центар и самиот тој како градоналачник, бидејќи им беше доверена можноста да бидат покровители на јубилејот.
“Вие сте драги пријатели на општината, вратите на општина Центар се за Вас секогаш отворени. Општина Центар отвори клубови за пензионерите, во подготовка е уште еден и сето тоа за да можете поубаво да ги минете Вашите денови. Ова значи и едно големо благодарам за сето она што го сторивте за нас“, рече, поздравувајќи ги присутните, градоначалникот Жерновски, посакувајќи им уште многу вакви јубилеи да слават заедно.