Нов случај на оштетено возило на македонски државјанин е пријавен вчера на граничниот премин Стар Дојран со што вкупниот број на оштетени возила во Грција годинава изнесува седум.
Министерството за внатрешни работи денеска информираше дека е оштетено возило марка „цитроен берлинго 6“ кое е во сопственост на В.Г. од Струмица.
Оштетувањето се случило во близина на Бутково езеро, а скршено е стаклото од предната лева врата на возилото.
Освен на граничниот премин Стар Дојран, случајот е пријавен и во грчката полиција, но сопственикот на возилото не добил записник.
Покрај оштетувањата на возила, годинава во Грција се регистрирани и 13 кражби на регистарски таблички на возила на македонски државјани.