Американскиот амбасадор во Македонија, Пол Волерс, изјави дека политичарите во Македонија водат политика на уривање на земјата, а не за надминување на конфликтите. Тој ова го изјави на конференција одржана во четвртокот вечерта во Скопје по повод 100 годишнината од почетокот на Првата Светска Војна, објави Ина.
– За жал во многу земји, и со жалење морам да кажам дека и во оваа земја, гледам водачи кои политиката ја гледаат како краткорочна игра за богатење на самите себе и на сопствената партија, што предизвикува конфликт во земјата, наместо да работат за да ги решат конфликтите. Мислам дека ова е рецепт за уривање на државата, изјавил Волерс.
Ова е досега најсилната и премногу јасна порака од страна на американскиот амбасадор упатена кон функционерите во земјава.