Германскиот министер за надворешни работи Франк Валтер Штајнмаер рече денеска дека дијалогот со Русија за Украина мора да продолжи и отфрли критики во државата дека Берлин е премногу лојален спрема Русија во конфликтот со Украина.
– Не сакаме студена војна, не сакаме жешка војна, туку сакаме да видиме зачуван европски мир, изјави Штајнмаер.
Според германскиот министер за надворешни работи, Украина би требало да почне со уставна реформа со цел децентрализација на власта.
Во говорот во Бундестагот, Штајнмаер истакна дека реформите во Украина ќе „обезбедат децентрализација и заштита на малцинствата“.
– Примирјето треба да се искористи како шанса за политичка одлука. Тој нагласува дека територијалниот интегритет на Украина не е доведен во прашање.