Репрезентациите на Бразил и Србија ги добија дерби дуелите против Бугарија и Италија, на Светското одбојкарско првенство кое се одржува во Полска.
Во натпреварите од 1.коло на новоформираните групи, Бразилците експресно со 3:0 ја совладаа Бугарија, а победа со максимални 3:0 славеше и селекцијата на Србија во дуелот со Италија.
Триумф од 3:0 оствари и Русија против Финска, додека Франција и препушти еден сет на Аргентина победувајќи ја со 3:1.
Во вечерниот термин од 20 часот и 25 минути ќе стартуваат уште четири натпревари. Во групата Е ќе играат, Полска – САД и Австралија – Иран, додека во Ф групата се среќаваат, Германија – Кина и Куба – Канада.