Денеска Коце Трајановски и јавно ги призна погрешните политики на раскош и луксуз, од коишто главниот град во 21-от век се соочи со зарази од нехигиена, реагираат од СДСМ.
Требаше да се помешаат атмосферските води од дождовите со фекалии, сето тоа да се излее во куќите, дуќаните и подрумите на граѓаните, да се прогласи епидемија на жолтица и да излезе на површина дека половина Скопје нема атмосферска канализација, за Трајановски денеска да најави Меморандум за пречистителна станица во Скопје.
Пречистителна станица за отпадни води најавена до 2020 година, не го амнестира Трајановски од одговорност. Скопје се дави после секој дожд, а голем дел од граѓаните немаат пристап до вода за пиење од градскиот водовод.
Задолжувањата на скопјани за барокни фасади, тркала, фонтани, пајтони и споменици покажаа колку Трајановски се грижи за граѓаните, а колку за раскошот и луксузот од којшто интерес има неговата партија ВМРО-ДПМНЕ.
