Американскиот претседател Барак Обама денеска во телефонски разговор со ирачкиот премиер Хајдер ал Абади ја потврдил намерата на САД да и помогне на новата ирачка Влада во борбата против Исламската држава (ИД), соопшти Белата куќа.
– Обама и Абади изразиле согласност дека е потребно новата Влада брзо да преземе конкретни чекори што ќе одговорат на очекувањата и легитимното незадоволство на ирачкиот народ, се наведува во соопштението на Белата куќа.
Ирачкиот премиер изрази подготвеност да работи со сите заедници во земјата, како и со регионалните и меѓународни партнери на јакнење на капацитетите на Ирак за борба против заедничкиот непријател.
Американскиот државен секретар Џон Кери денеска изјави дека формирањето на новата влада во Ирак е важен чекор за земјата која се бори против милитантите на ИД.