По повод 8-ми Септември – Денот на независноста, делегација на Општинската организација на СДСМ Битола составена од Васко Ковачевски – Пратеник и Претседател на СДСМ Битола, Тања Крнчева – Координаторка на Форум на жени и Драган Крајовски – Претседател на ЛК СДММ Битола положи свежо цвеќе пред споменикот на Револуционерната борба на македонскиот народ.
„Во мое лично име, и во името на Социјалдемократскиот сојуз на Македонија, на сите граѓани им го честитам големиот национален празник – Денот на независноста. Истовремено порачувам, се’ што ни овозможиле нашите предходни генерации, слободата, мирот, независноста, демократијата трајно да ги чуваме и негуваме.
Посебно го потенцирам големото значење и придонес на првиот Претседател на независна Р.Македонија, Киро Глигоров и неговите напори за слобода и независност на нашата држава. Државникот, треба и мора да има значајно место во нашата историја и токму затоа во наредниот период ќе бараме од Градоначалникот и Советот на Општина Битола да се постават спомен обележја со неговиот лик и да се именуваат значајни објекти и улици со неговото име. Само така ќе покажиме и докажиме дека ги цениме сите оние кои се вложија за слободата и независноста на нашата татковина.
Нека му е вечна слава на сите оние кои се заложиле за слободна, независна и демократска Република Македонија”, изјави Васко Ковачевски, пратеник и претседател на СДСМ Битола.