Власта на ВМРО-ДПМНЕ ја внесе програмата Кембриџ аматерски, на сила, без потребните подготовки во образовниот систем, велат од СДСМ.
Според нив, За тоа говорат солзите на децата, нервозата на родителите и збунетоста на наставниците, како да бранат нешто за што биле обучувани само 2 дена.
За тоа говори и неопременоста на училиштата со помагала, што треба да им го олеснат на децата совладувањето на обемната материја.
Колку има да објасни власта околу најновиот Кембриџ експеримент, говори партиското соопштение на ВМРО-ДПМНЕ од цели две страници.
Образовните власти и должат објаснувања на незадоволната јавност којашто со право реагира на импровизациите во образованието.
СДСМ и натаму цврсто ќе се заложува за градење стабилен образовен систем и за проекти што ќе одговорат на реалните потреби на учениците, се вели во писмената реакција.