Домашен путер е нешто најлесно што може да го направите во кујната. Освен тоа, варијации на тема ароматизиран путер има многу: со лук, рузмарин, босилек, мајчина душичка, магдонос… Практичен е, затоа што цело време ви е на дофат на рака – во замрзнувач. Каде да го користите? Во секое јадење: омлет, пире, тестенини, месо, кај и да посакате.
Потребно е:
400 гр путер
2 чешниња лук, испасирани
половина китка магдонос, ситно сечкан
Подготовка:
– Во мало тенџерче ставете го путерот на многу ниска температура да се топи.
– Кога ќе се растопи, ставете ги лукот и магдоносот, промешајте убаво и смесата распоредете ја во калапи за мраз, до половина.
– Може да се чува во фрижидер, неколку денови, а во замрзнувач многу подолго.