Седумте основни училишта кои се наоѓаат на територијата на општина Центар се подготвени за утрешниот прв училишен час.
Комплетно се обоени ѕидовите на училниците, истите се исчистени и дезинфицирани и заменети се искршените клупи и столови.
Средени се и училишните дворови. ОУ „Ј.Х.Песталоци“ доби реконструирани подови во фискултурната сала и реконструирана аула, а подновена е и салата во ОУ „Коле Неделковски“.
Топло добредојде се подготвува за првоодделенците, а ќе бидат поздравени и од градоначалникoт Андреј Жерновски и од советниците – во 8:15 ќе бидат на првиот училишен час во Кочо Рацин, а во 9:00 во „Ј.Х. Песталоци“.
