На Градската плажа „Парк“ во Скопје од утре до 14 септември ќе се одржува вториот Ракометен турнир на плажа за мажи и жени „Скопје 2014“.
Турнирот го организира Ракометниот клуб „Работнички“, а натпреварите ќе се одржуваат под покровителство на Град Скопје.
– Целта на манифестацијата е промоција на ракометот како атрактивна дисциплина и можност за граѓаните на Скопје да уживаат во спортски натпревари на Градската плажа „Парк“ во Скопје, информираат РК „Работнички“ и Град Скопје, кои деталите за турнирот ќе ги соопштат денеска на прес-конференција.