На пругата помеѓу ЖС-Тетово и ЖС-Гостивар, во непосредна близина на патниот премин во близина на фабриката „Тетекс“ во Тетово, вчера околу 18:00 часот патничкиот воз бр.662 кој сообраќал на релација Скопје-Кичево, прегазил пешак – машко лице кое од здобиените тешки телесни повреди починало на лице место.
Смрт констатирал доктор од Итна медицинска помош, а увид извршила екипа од СВР-Тетово. Утврден е идентитетот на починатиот и се работи за Гоце Г.(1983) од Скопје.
По наредба на јавен обвинител телото на починатиот е предадено на семејството за погреб. Железичкиот сообраќај бил во прекин од 18:00 до 21:15 часот.