Еве нешто што дефинитивно ќе ви го задржи вниманието во кујната, приготвувајќи го за себе или некој кој сакате да го импресионирате. Јајце во срце од виршла. Супер е за појадок и вечера. Можеби изгледа комплицирано, но воопшто не е. Дефинитивно ќе ви испадне „од прва“.
Еве како да го направите:
Потребно е:
1 виршла
1 јајце
1 чепкалка за заби
сол, бибер
масло
Подготовка:
– Излупете ја виршлата, ако има мембрана.
– Засечете ја внимателно на два дела, притоа оставајќи го горниот дел незасечен.
-Потоа, засечените краеви превртете ги од другата страна, надолу за да се спојат и зацврстете ги со чепкалка.
– Во тавче обложено со хартија за печење ставете ја виршлата, намачкајте ја малку со масло и внатре, во празнината скршете го јајцето.
– Зачинете од горе со сол и бибер и ставете го да се пече во претходно загреана рерна на 150 целзиусови степени, 5 до 7 минути.
– Кога ќе биде печено јајцето, извадете ја чепкалката и послужете.
Забелешка: Наместо да го печете јајцето во рерна, можете и да го испржите, заедно со виршлата, ако сакате да биде ровко.