Се стега обрачот и притисокот околу Грција. Европа сака да ги убеди политичарите и народот, дека не може да се однесува како да не е дел од ЕУ, и да исполнува само тоа што сака, а не и договорот кој го презема за излегување од должничката криза. Последната закана ја пренесува виенски „Стандард“.
„Доколку Грција, по кризата со еврото, западне во вондредна состојба Европската унија би можела повторно да воведе гранични контроли, пишува „Стандард“.
„Во ЕУ на највисоко ниво се разгледуваат разни можности односно кои би биле последиците врз безбедносната состојба во Унијата по банкротот во Грција. Советот на ЕУ веќе дискутира за можностите за затворање на границите во случај на воведување на вондредна состојба во Грција. Сите држави во ЕУ се подготвуваат за оваа можност“, наведува весникот, повикувајќи се на добро информирани извори.
„Стандард“ уште потенцира, дека во случај на хаос во Грција поголеми износи на пари би можеле илегално да бидат однесени во странство и би можело да дојде до пораст на криминалот.