Градоначалникот на општина Центар, Андреј Жерновски оствари средба со директорите на седумте основни училишта на територија на општина Центар.
На средбата беше дискутирано за тековните проблеми и активности непосредно пред почетокот на новата учебна година.
На дневен ред се најдоа состојбите со кујните во училиштата, училниците и другиот училишен простор, фискултурните и другите сали и плановите за екскурзии и настава во природа.
На состанокот беше договорено секое училиште писмено да ја информира општината за тековните активности и проблемите со кои се соочуваат.
Исто така тема беше и издавањето на училишниот простор и транспарентноста со која што училиштата ќе мораат да работат.
Подготовките за почетокот на новата учебна година на училиштата на територијата на општина Центар се одвиваат според планираното.