Наглото зголемување на температурите во текот на вчерашниот ден изгледа го направија своето. Скопската Брза помош вчера интервенирала за шест мозочни удари, два инфаркта како и за четири случаи на колапс во домот, објави zdravstvo24.mk.
Сепак, од Брза помош велат дека немало зголемен број повици во однос на другите денови. Вчера имало 78 повици, но има промена во содржината на интервенциите. Денеска, пак, до 14 часот службите интервенирале кај два колапса, од кои еден бил на јавно место а другиот во домашни услови.
Имајќи ги предвид најавите од синоптичарите за пеколни денови, лекарите уште еднаш со апел до граѓаните да ги почитуваат препораките од здравствените работници.