Вистинско дивеење се случувало вчеравечер во ќебапчилница во Струмица, кога тројца жители на селото Баница почнале да кршат и да ги тепаат вработените и гостите, оти не им бил послужен алкохол, извести МВР.
Околу 19.45 часот вчера во ќебапчилницата „Чутура“ во Струмица, О.С.(29), Т.С.(29) и В.С.(46) сите од селото Баница, за кои полицијата вели дека биле во алкохолизирана состојба, откако не биле послужени со алкохол, со метални предмети и со тупаници ги нападнале вработените и гостите во објектот. Притоа на голем дел од тепаните им нанеле видливи повреди, но и оштетиле дел од инвентарот.
По целосно расчистување и документирање на случајот ќе биде поденесен соодветен поднесок, известува МВР.