Официјален Берлин побара од дипломатските претставништва во Гермнаија да достават имиња на сите активни тајни агенти кои работат во таа држава, објави неделникот Шпигл.
Германскиот весник наведува дека Берлин до сите амбасади испратил нота во која се бара „список на имиња на сите активни агенти“.
Германското МНР не ги негираше наводите на весникот.
Потегот е преземен како последица од фрустрациите на Берлин поради зачестеното негирање на Вашингтон дека американски агенти ги шпионирале највисоките германски официјални лица.
Барањето е само еден месец откако Берлин побара од шефот на ЦИА во државата да ја напушти Германија по откривањето два случаја на американско шпионирање германски официјални лица, наведува весникот.