Советот за безбедност на ОН ќе одржи денеска седница на која ќе се расправа за состојбата со човековите права во Украина.
На седницата ќе се расправа за најновиот извештај за состојбата со почитувањето на човековите права објавен на 28 јули.
Граѓанската војна во Украина трае веќе четири месеци и досега во неа загинаа повеќе од 1.300 луѓе. Повеќе од 285 илјади луѓе побегнаа од своите домови, се вели во извештај на УНХЦР кои предупредуваат на „масовен егзодус“ ако судирите се интензивираат.