Во кампот на баратели на азил синоќа било пријавено дека 30-годишно лице државјанин на Сирија бил прободен со нож од страна на друго лице, според првичната пријава исто така од Сирија на возраст од 35 години.
Повредениот веднаш е примен во Ургентниот центар каде што е згрижен од страна на медицинските лица.
Помошник-министерот за односи со јавноста при МВР, Иво Котевски на денешната прес-конференција информира дека напаѓачот успеал да побегне од центарот и во моментот полицијата трага по него.
Се преземаат мерки за расчистување на случајот.
