Во Глазгов денеска се одржува првата телевизиска дебата меѓу противниците и поддржувачите на независноста на Шкотска.
Дебатата се случува шест недели пред референдумот, на кој Шкотланѓаните ќе се изјаснат дали ќе прогласат независност на Шкотска или ќе останат во рамките на Велика Британија.
Во дебататa учествуваат шкотскиот премиер Алекс Салмонд, кој е приврзаник за независност и Алистер Дарлинг, поранешен министер за финансии и поборник на за тоа Шкотска да остане во рамките на Велика Британија.
Дебатата почнува во 19 часот по локално време. Анкетите од крајот на јули покажуваат дека 48 проценти од околу четири милиони Шкотланѓани се „за“ тоа Шкотска да остане во рамките на Велика Британија, а 36 проценти се „за“ независност на Шкотска.