Германската Влада одлучи целосно да го прекине проектот за соработка меѓу германската компанија „Рејнметал“ и Русија, што беше замрзнат во март поради руската интервенција во Украина, пишува весникот „Зидојче цајтунг“.
Според весникот германскиот вицепремиер и министер за економија Зигмар Габриел „ја одземал дозволата“ изградба и опрема на тренинг центар за руски војници во градот Мулино на реката Волга.
Проектот во вредност од 100 милиони евра беше замрзант во март годинава, откако официјален Берлин донесе одлука за прекин на трговијата на оружје со Москва. Центарот Мулино требаше да обучува до 30 илјади руски војници годишно.