Порталот Прес 24, како и други провладини медиуми, со неточни информации и лаги за опозицијата се обидуваат да ги покријат огромните задолжувања на граѓаните и државата и наталожените проблеми со коишто очигледно не може да се справи власта на Никола Груевски, реагираат од СДСМ.
Портал Прес 24 за ниту една шпекулација сервирана од ВМРО-ДПМНЕ, ниту еднаш се нема јавено за став во СДСМ, иако правилото “втора страна“ е основа на професионалното новинарство.
Претседателот Зоран Заев, раководството на СДСМ и органите на партијата, дејствуваат според утврдена внатрепартиска агенда, а не според потребите на Никола Груевски и ВМРО-ДПМНЕ.
СДСМ ја разбира потребата на власта да манипулира со можностите за дијалог, пред есенскиот Извештај на Европската комисија.
За СДСМ услов број еден за политички дијалог меѓу власта и опозицијата останува договорот за формирање техничка влада, којашто ќе создаде услови за спроведување фер и демократски избори.