Украинските власти ќе им дадат можност на меѓународните експерти да работат на местото на несреќата на малезискиот патнички авион дури откако ќе ја вратат контролата над таа територија, изјави прес-секретарот на Советот за национална безбедност и одбрана на Украина, Андриј Лисенко.
Лисенко истакна дека Киев не може да гарантира безбедност во територија која е под контрола на сепаратистите и дека се додека подрачјето на авионската несреќа не биде ослободено од нив, за цивилните лица, вклучувајќи ги и меѓународните експерти, е опасно да се наоѓаат таму.
– Откако украинските сили ќе влезат на оваа територија во градовите Антрацит и Красниј Луч, и бунтовниците ќе го напуштат овој регион, тој за нив ќе нема стратешко значење, посочи Лисенко.