Делегацијата на СДСМ предводена од заменик претседателката на СДСМ, Радмила Шекеринска, се сретна со голем број земјоделци во ресенско – преспанскиот регион, засегнати од синоќешното невреме.
Состојбата во ресенскиот регион е катстрофална.
Штетите на јаболковиот род се меѓу 80 и 100 проценти. Според првичните проценки оштетени се земјоделски површини од околу 3 000 хектари.
Разочарувањето на земјоделците е уште поголемо поради фактот што нема штети само по овогодинешниот род, туку тие ќе се одразат на посевите и родот и во следните три години.
Најчести коментари на луѓето, чиј труд вчера беше збришан од огромните топки град, се зошто не се употребуваат градобијните ракети?
Сите инвестиции и макотрпната работа на земјоделците е падната во вода.
СДСМ ја повикува Владата итно да прогласи елементарна непогода во овој регион и во најкус можен рок да ја надомести штетата на земоделците.