Во морскиот реон меѓу Кипар и Либан денеска почнува воената вежба „CYPUSA“ во која учествуваат припадници на воените воздухопловства и морнарици на САД и Кипар, објави атинскиот весник „Вима“.
Во вежбата, во која ќе се вклучи и Шестата американска флота, главна цел е постигнување поголема координација меѓу единиците при сериозни инциденти со трговски и патнички бродови, како и при хуманитарни операции.
Кипар и САД по вторпат учествуваат во ваква поморска воена вежба. Првата тоа беше во текот на април годинава и на неа учествуваа и единици од Грција и Израел.
Вашингтон особено значење им придава на овие маневри заради тензичната ситуација во регионот на Блискиот Исток, забележува грчкиот весник.