Досега се спроведени повеќе истражувања за да се утврди дали бебињата сонуваат, но научниците се уште не се осудуваат да дадат конечен одговор, само ги опишуваат фазите на сонот.
Спиењето се дели на две фази: активен и мирен сон. За време на активниот сон, очите брзо се движат, а оваа фаза се нарекува РЕМ, и тоа е фазата кога сонуваме. Бебињата почнуваат да спијат со поблага РЕМ фаза, а потоа преминуваат во длабок и многу длабок сон, за потоа да се вратат во РЕМ фазата и да го повторат кругот.
Претходно е утврдено дека возрасните и постарите деца за време на РЕМ фазата сонуваат, но дел од истражувањата покажале дека тоа не се случува кај бебињата. Другите научници тврдат дека бебињата често запаѓаат во РЕМ фазата и затоа сонуваат како возрасните.
Научниците посочуваат и дека бебињата немаат страшни соништа и оти кошмарите првпат се јавуваат во периодот меѓу третата и петтата година.