Министерот за надворешни работи Никола Попоски денеска се сретна со помошник државниот секретар на САД задолжена за европски и евроазиски прашања, Викторија Нуланд.
Соговорниците разговараа за досегашниот развој на билатералните односи меѓу двете држави кои ги карактеризира стратешко партнерство, отворен дијалог и пријателство.
На средбата, како што информира МНР, е изразена американската поддршка за евроатлантските интеграции на Република Македонија. Разговарано е за реформите поврзани со начелата врз кои се темелат Европската унија и НАТО, а истакнати се и заложбите за промоција на позитивна клима и зголемување на довербата со Република Грција преку конкретни чекори и проекти. Соговорниците се осврнале и на актуелните односи во Македонија и регионот на Југоисточна Европа.