Четири куќи во кумановското село Липково по грешка биле претресувани од страна на 50 полицајци.
Акцијата била спроведена во вторник , во 5 часот наутро со околу 50 полицајци, пренесува весникот на албански јазик „Лајм“.
Полицијата не нашла ништо во куќите и најверојатно полицајците ги претресувале околу 45 минути по грешка. Во акцијата била вклучена и куќата на на директорот на гимназијата „Исмет Јашари“ во Липково, Авди Алиу.
Еден од неговите синови, вели Алиу, дури бил и држен врзан без причина и потоа му кажале дека било грешка и дека акцијата требало да се спроведе во домовите на нивни соседи.
Во куќите немало штета од претресот освен преплашените жени и деца како и постари луѓе. Алиу вели дека од полицијата ќе бара надомест за траумата што ја претрпеле.
„Акција е спроведена со цел да се проверат некои оперативни информации поврзани со евентуални кривични дела, но важно е дека ништо не е најдено`“, рекол портпаролот на МВР, Иво Котевски за весникот „Лајм“.