Исклучително е важно САД и Германија да продолжат да соработуваат откако Берлин го протера претставникот на американската разузнавачка агенција ЦИА во земјата, соопшти Белата куќа.
– Ги видовме соопштенијата и немаме коментар околу тврдењата за разузнавачки проблем. Нашите односи со Германија во областа на безбедноста и разузнавањето секако се многу важни и ја гарантираат безбедноста на Германците и Американците, наведува Белата куќа.
Германската Влада нареди протерување на функционер на ЦИА, кој е на должност во Амбасадата на САД во Германија, како одговор на Берлин по откриените два шпионски случаи, поврзани со американското разузнавање.
– На претставникот на американската разузнавачка агенција му е наредено да ја напушти Германија, изјави денеска портпарол на германската Влада.
Според него, протераниот претставник дејствувал како врска на американската агенција во шпионските случаи, кои предизвикаа бранување на германската политичка сцена.