По денешната неуспешна средба со претседателот на ССМ Живко Митревски и игнорантскиот однос протестирајќи пред Владата, стечајците се распослаа долж улицата пред Собранието поставувајќи шатори и притоа најавуваат дека ќе останат пред законодавниот дом се додека не се реши нивниот проблем.
Лидерката на стечајците Лилјана Георгиевска изјави дека блокирањето на сообраќајот со поставени шатори ќе продолжи и во наредните денови, се додека не се прифатат нивните барања, кои остануваат непроменети, а тие се, материјално згрижување на лицата со минимум 15 години работен стаж и со 50, односно 53 години старост за жени и за мажи.
Пред Собранието е распоредено полициско обезбедување.
Петар Клинчарски